Մոյեսն ու Մոուրինյոն Ֆերգյուսոնին փոխարինելու գլխավոր թեկնածուներն են

Բրիտանական բուքմեյքերական ընկերությունները սկսել են խաղադրույքներ ընդունել, թե հաջորդ մրցաշրջանում ով է գլխավորելու «Մանչեսթեր Յունայթեդը»: Հիշեցնենք’ այսօր հայտնի դարձավ, որ 26 տարվա աշխատանքից հետո սըր Ալեքս Ֆերգյուսոնը հեռանալու է մանկունյական ակումբից:

Թափուր պաշտոնը զբաղեցնելու թեկնածուները երկուսն են’ 11 տարի «Էվերտոնը» գլխավորող Դևիդ Մոյեսը ու պորտուգալացի Ժոզե Մոուրինյոն, ով, ամենայն հավանականությամբ, կհեռանա «Ռեալից»: Մասնագետների’ ակումբը գլխավորելու հավանականությունը գնահատվում է համապատասխանաբար 11,10 ու 6,5 գործակիցներով: Հնարավոր թեկնածուների թվում նշվում են նաև Օլե Գունար Սուլշերի ու Լորան Բլանի անունները, բայց նրանց շանսերը, ըստ բուքմեյքերների, այդքան էլ մեծ չեն: