Մորատտի. «Ինտերը» դեռ չի պատրաստվում նոր մարզադաշտ կառուցել

«Ինտերի» նախագահ Մասիմո Մորատտին հերքել է իտալական մամուլում շրջանառվող այն լուրերը, որոնց համաձայն միլանյան ակումբը նոր մարզադաշտ է կառուցելու: Այս առիթով ակումբի պաշտոնական կայքին տված հարցազրույցում Մորատտին ասել է.

-«Ինտերի» պայմանագիրը միջազգային այն կազմակերպությունների հետ, որոնք պետք է զբաղվեն մարզադաշտի կառուցմամբ, դեռ նախնական հետաքրքրությունների փուլում է գտնվում: Ես պայմանները հանգամանորեն կուսումնասիրեմ, եթե մարզադաշտ կառուցելու որոշումն առավել հստակ լինի: Այս պահին մեր առաջիկա ծրագրերի մեջ մարզադաշտի կառուցումը չի մտնում: