Անչելոտին չի ընդունել «ՊՍԺ»-ի առաջարկը
09/05/2013 14:13
Նմանատիպ
«ՊՍԺ»-ի գլխավոր մարզիչ Կառլո Անչելոտին հրաժարվել է երկարաձգել պայմանագիրը ֆրանսիական ակումբի հետ, հաղորդում է տեղի մամուլը:
Ըստ աղբյուրի տեղեկությունների’ իտալացի մասնագետի դիրքորոշումը կապված է նրա հետ, որ նա առաջարկի է սպասում Մադրիդի «Ռեալից»: Փարիզյան ակումբի նախագահ Նասեր Ալ-Հելաիֆին հանդիպել է Անչելոտիի հետ ու նրան նոր համաձայնագիր առաջարկել, սակայն մերժում է ստացել:
Պետք է ընդգծել, որ մասնագետի ծառայություններով հետաքրքրված են այնպիսի ակումբներ, ինչպիսիք են «Ռոման», «Մանչեսթեր Սիթին» ու «Լիվերպուլը»: Սակայն նա հրաժարվել է դիտարկել այդ առաջարկությունները:
Հիշեցնենք’ «Ռեալի» գլխավոր մարզիչ Ժոզե Մոուրինյոն օրերս հայտարարել էր, որ նախատեսում է մնալ թիմի ղեկին, սակայն շատերը վստահ են’ հաջորդ մրցաշրջանում նա գլխավորելու է «Չելսին»:
Հետևեք մեզ նաև Telegram-ում