Ստավանգեր. Լևոն Արոնյանը հաղթեց Նակամուրային

Նորվեգիայի Ստավանգեր քաղաքում շարունակվում է շախմատային գերմրցաշարը, որին մասնակցում է նաև Հայաստանի շախմատի հավաքականի առաջատար Լևոն Արոնյանը:

Այսօր` մրցաշարի երկրորդ տուրում Արոնյանը սպիտակ խաղաքարերով առավելության հասավ Նակամուրայի նկատմամբ: Պարտիան ավարտվեց 70-րդ քայլին:

Նշենք, որ երեկ հայ շախմատիստը ոչ-ոքի էր խաղացել Անանդի հետ, ով այսօր ևս ոչ-ոքի խաղաց` արդեն Մագնուս Կարլսենի հետ:

Հավելենք` Լևոն Արոնյանն այս պահի դրությամբ 1.5 ունի միավոր: