Վիդիչ. Հուսով եմ` Մոյեսը «Յունայթեդում» նույնքան հաջողակ կլինի, որքան Ֆերգյուսոնը

«Մանչեսթեր Յունայթեդի» ավագ Նեմանյա Վիդիչը խոսել է Դևիդ Մոյեսի աշխատանքից ունեցած սպասելիքներից, ով այս մրցաշրջանի ավարտից հետո մանկունյական թիմի գլխավոր մարզչի պաշտոնում կփոխարինի լեգենդար սըր Ալեքս Ֆերգյուսոնին:

-Ես սպասում եմ նրա հետ աշխատանքին ու հուսով եմ, որ Մոյեսի համար ակումբի մարզչական նստարանը նույնքան հաջողակ կլինի, որքան Ֆերգյուսոնի համար: Նրանք որոշակի ընդհանրություններ ունեն. երկուսն էլ ամբողջությամբ տրվում են իրենց աշխատանքին ու ունեն հաղթողի հոգեբանություն: «Էվերտոնը» Մոյեսի գլխավորությամբ միշտ էլ լավ է աշխատել խաղադաշտում ու ցույց է տվել խաղային հիանալի կարգապահություն,- ասել է Վիդիչը: