Լավեսսին կարող է վերադառնալ «Նապոլի»

«ՊՍԺ»-ի հարձակվող Էյզեկիել Լավեսսիի գործակալը չի բացառել իր հաճախորդի’ Իտալիա վերադառնալու տարբերակը:

Հիշեցնենք’ 28-ամյա արգենտինացին միայն անցյալ ամռանն է Նեապոլը փոխել Փարիզով’ այնտեղ տեղափոխվելով 26 մլն. եվրոյի դիմաց ու մոտ է Ֆրանսիայի առաջնության չեմպիոնի կոչումը նվաճելուն:

-Էյզեկիելը իրեն լավ է զգում Ֆրանսիայում, սակայն շատ է կարոտում Իտալիան, հատկապես’ Նեապոլը:

«Նապոլի» վերադառնա՞լը. Դա հնարավոր տարբերակներից մեկն է, քանի որ կարիերայի այդ փուլը մեծ հետք է թողել նրա կյանքի վրա, ու Լավեսսին ուրախ կլիներ նորից միանալ նրանց:

Սակայն սա նրա ընդամենը առաջին մրցաշրջանն է «ՊՍԺ»-ում, որում նա հասավ Չեմպիոնների լիգայի կիսաեզրափակիչ, ու շուտով էլ կդառնա երկրի առաջնության չեմպիոն,- ասել է գործակալ Ալեխանդրո Մացցոնին Radio Kiss Kiss-ի հետ զրույցում: