Ռոնալդուն չի մասնակցի «Էսպանյոլի» հետ խաղին

«Ռեալի» հարձակվող Կրիշտիանու Ռոնալդուն չի մասնակցի Իսպանիայի առաջնության 36-րդ տուրի’ «Էսպանյոլի» հետ հանդիպմանը: Պորտուգալացուն անհանգստացնում է ձախ ոտքի մկանային վնասվածքը, որը նա ստացել էր Չեմպիոնների լիգայի խաղարկության Դորտմունդի «Բորուսսիայի» հետ պատասխան մրցավեճում: «Արքայական» ակումբը չի ցանկանում ռիսկի ենթարկել խաղացողի առողջությունը, քանի որ մայիսի 17-ին Ժոզե Մոուրինյոյի թիմին սպասում է Իսպանիայի գավաթի եզրափակիչը «Ատլետիկոյի» դեմ:

Հիշեցնենք’ Լա Լիգայի ավարտից երեք տուր առաջ մադրիդյան թիմը գտնվում է երկրորդ հորիզոնականում’ իր ակտիվում ունենալով 80 միավոր: «Էսպանյոլը» ընթանում է 11-րդ տեղում’ վաստակած 43 միավորով: