«Շախտյորը» հաղթեց. Հենրիխ Մխիթարյանն արդյունավետության ռեկորդ սահմանեց (տեսանյութ)

Ուկրաինայի առաջնության 28-րդ տուրում չեմպիոնական տիտղոսն ապահոված Դոնեցկի «Շախտյորը» սեփական հարկի տակ 5:0 հաշվով ջախջախիչ հաղթանակ տոնեց «Տավրիայի» նկատամամբ:

Առաջին խաղակեսում մեկական գոլի հեղինակ դարձան Կոստան, Տեյշերան և Մայկոնը, իսկ երկրորդ խաղակեսում դուբլի հեղինակ դարձավ Հայաստանի ազգային հավաքականի կիսապաշտպան Հենրիխ Մխիթարյանը: Այսպիսով, հայ ֆուտբոլիստն ընթացիկ առաջնությունում խփած գոլերի թիվը հասցրեց 24-ը, ինչը Ուկրաինայի առաջնությունների արդյունավետության նոր ռեկորդ է:

Նշենք, որ նախկին ռեկորդը՝ 22 գոլ պատկանում էր Սերգեյ Ռեբրովին (1997-98) եւ Մաքսիմ Շցկիխին (2002-03):