«Մոնակոն» համաձայնության է եկել Տևեսի հետ

«Մանչեսթեր Սիթիի» հարձակվող Կառլոս Տևեսը սկզբունքային համաձայնություն է տվել «Մոնակոյին»’ վերջինիս կազմ տեղափոխվելու կապակցությամբ, հաղորդում է L’Equipe-ը:

Մոնեգասկեցիները պատրաստ են Արգենտինայի հավաքականի ֆուտբոլիստին առաջարկել տարեկան 10 մլն. եվրո աշխատավարձ:

Գործարքը կարող է ձևակերպվել մայիսի 22-ից հետո, երբ «Մոնակոյի» ղեկավարությունը կքննարկի ֆրանսիական առաջին լիգայում հանդես գալու պայմաններն ու ֆինանսական հարցերը:

Ավելացնենք, որ «Մոնակոն» տվյալ պահին պայմանավորվածություն չունի «Մանչեսթեր Սիթիի» հետ: Ավելի վաղ նշվում էր, որ ֆրանսիական ակումբը պատրաստ է Տևեսի ու կիսապաշտպան Սամիր Նասրիի տրանսֆերներն իրականացնելու համար ծախսել 45 մլն. եվրո: