Մեսսի. «Բարսելոնային» մրցաշրջանի ընթացքում չհերիքեց Վիլանովան
Նմանատիպ
«Բարսելոնայի» հարձակվող Լիոնել Մեսսին մեքսիկական ԶԼՄ-ներին տված հարցազրույցում նշել է, որ այս մրցաշրջանը իր թիմի համար կարելի է հաջողված համարել:
Հիշեցնենք’ կատալոնացիները դարձան Իսպանիայի առաջնության հաղթող, սակայն Արքայական գավաթում ու Չեմպիոնների լիգայում հաջողություններ չունեցան:
-Ազգային առաջնությունում հաղթանակը կարևոր է, ու ես շատ ուրախ եմ այդ հաջողության համար: Ի վերջո, մենք գերազանցեցինք այնպիսի մրցակցի, ինչպիսին «Ռեալն» է: Իհարկե, հեշտ չէր, քանի որ մրցաշրջանի որոշ ընթացքում մեզ հետ չէր գլխավոր մարզիչը: Երբ «Բարսան» խաղում էր Տիտո Վիլանովայի գլխավորությամբ, մենք հիանալի վիճակում էինք, քանի որ ոչինչ չէր փոխվել: Բայց նա երբ բուժման նպատակով մեկնեց ԱՄՆ, նրա բացակայությունը ազդեցություն ունեցավ: Բայց ոչ այն պատճառով, որ Ժորդի Ռոուրան ու իր օգնականները վատ կատարեցին իրենց պարտականությունները: Ոչ, մեզ ուղղակի չհերիքեց գլխավոր մարզիչը,- ասել է Մեսսին:
Հետևեք մեզ նաև Telegram-ում