«Չելսիի» մրցանակաբաշխությունը (լուսանկարներ և տեսանյութեր)

Լոնդոնում տեղի է ունեցել «Չելսիի» լավագույն ֆուտբոլիստների պարգևատրման հանդիսավոր արարողությունը:

2012/13 մրցաշրջանում «ազնվականների» լավագույն ֆուտբոլիստի կոչումը երկրորդ տարին անընդմեջ տրվել է իսպանացի կիսապաշտպան Խուան Մատային: Մատան լավագույնի պարգևին է արժանացել նաև ակումբի ֆուտբոլիստների քվեարկության արդյունքում:

Ֆրենկ Լեմպարդը ստացել է հատուկ մրցանակ` ակումբի պատմության մեջ մեծ ներդրում ունենալու համար: Հիշեցնենք, որ վերջերս Լեմպարդը դարձավ «Չելսիի» բոլոր ժամանակների լավագույն ռմբարկուն (203 գոլ)` գերազանցելով Բոբբի Թեմբլիգի ռեկորդը: Ուշագրավ է, որ հենց վերջինս էլ հանձնել է մրցանակը Լեմպարդին:

Թիմի լավագույն երիտասարդ ֆուտբոլիստ կոչմանն արժանացել է Նատան Ակեն:

Իսկ ահա «Չելսիի»` այս մրցաշրջանում խփած ամենագեղեցիկ գոլը ճանաչվել է Օսկարի` Չեմպիոնների լիգայի խմբային փուլի շրջանակներում «Յուվենտուսի» դարպասը խփած գոլը: