Պիռլոն «Ռեալ» տեղափոխվելու մտադրություն չունի

«Յուվենտուսի» կիսապաշտպան Անդրեա Պիռլոն հերքել է հնարավոր տրանսֆերի շուրջ տարածված շշուկները:

Վերջերս իտալական մամուլում շատ էր քննարկվում, որ «Ծեր Սինյորայի» առաջատարներից մեկը կարող է տեղափոխվել Մադրիդի «Ռեալ»: Իսկ տրանսֆերի պատճառը, ըստ ԶԼՄ-ների, Կառլո Անչելոտին է, քանի որ վերջինս Պիռլոյին ցանկանում է տեսնել իր հնարավոր նոր աշխատավայրում’ «Արքայական» ակումբում: Սակայն Անդրեան հերքել է այդ լուրերի հավաստիությունը:

-Իմ ապագայի շուրջ բազմաթիվ քննարկումները ոչ մի հիմք չունեն: Ես այս պահին պայմանագրով կապված եմ «Յուվենտուսի» հետ, ու չեմ պատրաստվում այլ թիմ տեղափոխվել:

Ես երջանիկ եմ «Յուվենտուսում» ու նախատեսում եմ մնալ այս ակումբում: Չեմ կարծում, թե դա խնդիրներ կստեղծի,- ասել է Պիռլոն Radio Capital-ի հետ զրույցում:

34-ամյա Պիռլոն Ա Սերիայի ընթացիկ առաջնությունում դարձել է 5 գոլի ու 7 արդյունավետ փոխանցման հեղինակ: