Ռոնալդո. Հասկանում եմ Սկոլարիի` Ռոնալդինյոյին հավաքական չհրավիրելու որոշումը

Բրազիլիայի հավաքականի նախկին հարձակվող Ռոնալդոն նշել է, որ հասկանում է գլխավոր մարզիչ Լուիշ Ֆելիպե Սկոլարիի դիրքորոշումը’ կապված «Ատլետիկո Մինեյրոյի» կիսապաշտպան Ռոնալդինյոյի հետ, հաղորդում է հարավամերիկյան մամուլը:

Հիշեցնենք’ բրազիլացիներին գլխավորող մասնագետը Ռոնալդինյոյին չի ընդգրկել այն ցանկում, որտեղ հայտնվածները ամռանը կմասնակցեն Կոնֆեդերացիաների գավաթի խաղարկությանը:

-Երբ Սկոլարին հրապարակեց հավաքական հրավիրվածների ցուցակը, ես չզարմացա’ այնտեղ չտեսնելով Ռոնալդինյոյին: «Ատլետիկո Մինեյրոյում» նա շատ է խաղում, սակայն հավաքականի կազմում անցկացրած ընկերական հանդիպումներում չի կարողանում լիովին դրսևորել իր ունակությունները: Այնպես որ, Սկոլարիի որոշումը լրիվ հասկանալի է: Հուսով եմ’ մեր մարզիչը հաջողությունների կհասնի,- ասել է Ռոնալդոն: