Հենրիխ Մխիթարյան. Բոլոր մտքերս կապված են «Շախտյորի» հետ

Հայաստանի հավաքականի ու «Շախտյորի» կիսապաշտպան Հենրիխ Մխիթարյանը հարցազրույցներից մեկում խոսել է իր հետ կապված տրանսֆերային բազմաթիվ ասեկոսեների մասին:

-Եթե անկեղծ, ապա ես դրանց ուշադրություն չեմ դարձնում: Այժմ «Շախտյորի» ֆուտբոլիստ եմ ու իմ բոլոր մտքերը կապված են այդ ակումբի հետ: Մտածում եմ հաջորդ մրցաշրջաններում ևս թիմին օգնելու մասին: Իսկ իմ մասին գրածները նրանց գործն է, ովքեր գրում են դրանք: Առաջարկներ լինելու դեպքում պետք է դիմել ղեկավարությանը, իսկ որոշումը կկայացնեն նրանք,- ասել է Մխիթարյանը:

Հիշեցնենք’ հայ ֆուտբոլիստի անունը վերջերս շատ էր կապվում անգլիական ու իտալական գրանդ ակումբների հետ: Նշվում էր, որ արդեն ամռանը Մխիթարյանը կփոխի ակումբային գրանցումը: