Մոուրինյոն մտադիր է երիտասարդեցնել «Չելսիի» կազմը
21/05/2013 15:00
Նմանատիպ
«Ռեալի» ներկայիս գլխավոր մարզիչ Ժոզե Մոուրինյոն արդեն մտածում է իր նոր թիմի խնդիրների մասին:
Հիշեցնենք’ երեկ երեկոյան պաշտոնապես հայտարարվեց պորտուգալացի մասնագետի պաշտոնանկության մասին: Տեղեկացվում է, որ մոտ ապագայում նա կգլխավորի «Չելսին»: Ինչպես հաղորդում է The Sun-ը, Մոուրինյոն պատրաստվում է փոխել ակումբի կադրային քաղաքականությունը:
Ակումբը կգնի երիտասարդ խոստումնալից ֆուտբոլիստների ու նրանցից աստղերի կպատրաստի, այլ ոչ թե կգնի արդեն կայացած աստղերի: Այդպիսի քաղաքականությանը աջակցում է նաև սեփականատեր Ռոման Աբրամովիչը:
Ընդգծենք, որ Մոուրինյոն լոնդոնյան ակումբը կարող է գլխավորել արդեն երկրորդ անգամ: Նա մարզել է թիմը 2004-2007 թթ. ու նրա հետ երկու անգամ դարձել Անգլիայի չեմպիոն, ինչպես նաև հաղթել գավաթի ու լիգայի գավաթի խաղարկություններում:
Հետևեք մեզ նաև Telegram-ում