«Սանտոսը» կարող է Նեյմարին փոխարինել Ռոբինյոյով
23/05/2013 15:41
Նմանատիպ
«Սանտոսի» մարզչական շտաբը հետաքրքրված է «Միլանի» հարձակվող Ռոբինյոյի ծառայություններով, հաղորդում է հարավամերիկյան մամուլը:
Ըստ աղբյուրի տեղեկությունների’ բրազիլական ակումբն արդեն պատրաստ է նրան, որ հարձակվող Նեյմարը կլքի թիմը, ու քայլեր է ձեռնարկում, որպեսզի փոխարինող գտնի երիտասարդ խաղացողին:
-Ռոբինյոյի վերադարձը «Սանտոս» միշտ էլ եղել է պլաններում: Ինչ վերաբերում է Նեյմարին, ապա այդ հարցը ակումբի ղեկավարության իրավասությունն է,- ասել է «Սանտոսի» հասարակայնության կապի գծով ներկայացուցիչ Նեյ Պանդոլֆոն:
Հիշեցնենք’ բրազիլական ակումբը մերժել է «Բարսելոնայի» վերջին առաջարկը’ կապված Նեյմարի գնման հետ: Կատալոնացիները առաջարկել են մոտ 23 մլն. եվրո, սակայն «Սանտոսին» այդ գումարը չի բավարարել:
Հետևեք մեզ նաև Telegram-ում