Տորրեսը կցանկանար աշխատել Մոուրինյոյի հետ

Իսպանացի հարձակվող Ֆերնանդո Տորրեսը խոստովանել է, որ կցանկանար տեսնել Ժոզե Մոուրինյոյին «Չելսիի» մարզչի դերում:

-Լավագույն մարզիչները միշտ բաժին են հասնում լավագույն թիմերին: «Չելսին» հիմա մարզիչ է փնտրում, իսկ Մոուրինյոն ազատ է, այնպես որ բոլորը նրա անունը կապում են մեր թիմի հետ: Դա կապված է նաև իր հեղինակությամբ և այն խոսքերով, որ վերջերս  ասել է մեր թիմի հասցեին: Հուսով եմ, որ նրա նշանակումը տեղի կունենա: Ես կցանկանայի աշխատել նրա ղեկավարության ներքո: Դա նաև ինձ լրացուցիչ մոտիվացիայի առիթ կտա,-ասել է ֆուտբոլիստը: