Նեյմարը հետևում է Ռոմարիոյի, Ռոնալդոյի, Ռիվալդոյի ու Ռոնալդինյոյի ավանդույթների՞ն (տեսանյութեր)

Իսպանիայում արդեն սպասում են բրազիլացի հարձակվողի ժամանմանը «Բարսելոնա»:

Իսպանական Sport.es-ը նկատել է, որ վերջին ժամանակներս բրազիլացի աստղերի տեղափոխությունները կատալոնական ակումբ միշտ հանգեցրել է այդ խաղացողների’ մեծ նվաճումների հասնելուն:

1993 թ. կատալոնացիների շարքերը համալրեց Ռոմարիոն ու անմիջապես մեծ փառքի հասավ:

Այնուհետև’ 1996/1997 թթ. մրցաշրջանում Կատալոնիա տեղափոխվեց երիտասարդ Ռոնալդոն, ով անմիջապես ցույց տվեց բոլորին, թե ինչ է իրենց ներկայացնում:

Իսկ հետո եկավ Ռիվալդոյի հերթը, ով իր խաղով շատ ուրախացրեց կատալոնացի երկրպագուներին ու, ընդհանրապես, ամբողջ աշխարհի ֆուտբոլասեր հասարակությանը:

Այնուհետև’ Ռիվալդոյի տրանսֆերից 10 տարի անց, իսպանական գրանդը ձեռք բերեց Ռոնալդինյոյին: Դինյոն խաղի իր հմայքով կարողացավ «գերել» աշխարհի մեծ թվով ֆուտբոլասերների:

Ինչպես նշում է աղբյուրը, այժմ կարող է սկսվել բրազիլացի նոր աստղի դարաշրջանը «Բարսելոնայում»: Ակումբը գնեց Նեյմարին’ բրազիլական ֆուտբոլի գլխավոր հույսին: