Անչելոտին ուզում է` «Ռեալում» իր օգնականը լինի Կրեսպոն

«ՊՍԺ»-ի գլխավոր մարզիչ Կառլո Անչելոտին ցանկանում է Մադրիդի «Ռեալում» իր օգնական դերում տեսնել Արգենտինայի հավաքականի նախկին հարձակվող Էռնան Կրեսպոյին, եթե, իհարկե, գլխավորի «Արքայական» ակումբը, հաղորդում են իսպանական ԶԼՄ-ները:

Հիշեցնենք’ իտալացի մասնագետը Կրեսպոյի հետ աշխատել է «Պարմայում» ու «Միլանում» և լավ է ճանաչում նրան:

Պետք է ընդգծել, որ մադրիդյան ակումբի ղեկավարությունը ցանկանում էր Անչելոտիի օգնականի դերում նշանակել թիմի նախկին կիսապաշտպան Զինեդին Զիդանին, սակայն նա արդեն զբաղեցրել է մարզական տնօրենի պաշտոնը: Ակումբը չէր բացառում երկու պաշտոնների համատեղման հնարավորությունը, բայց անձամբ ֆրանսիացին հրաժարվեց դրանից: