Չավի Մարտինես. Ներկա պահին «Բավարիան» լավագույնն է Եվրոպայում

«Բավարիայի» կիսապաշտպան Չավի Մարտինեսը վայելում է Չեմպիոնների լիգայի ու Բունդեսլիգայի հաղթողի դափնիները:

-Ներկա պահին մենք Եվրոպայի լավագույն թիմն ենք: Հուսով եմ’ կկարողանանք շարունակել հաջողությունների շարքը հաջորդ մրցաշրջանում: Չեմպիոնների լիգայում հաղթանակը շատ ֆուտբոլիստների երազանքն է, քանի որ այդ մրցաշարում չեմպիոն դառնալը շատ դժվար է: «Բավարիան» անհավանական հաջողության հասավ:

Այժմ մեզ հարկավոր է կենտրոնանալ Գերմանիայի գավաթի եզրափակչի վրա: Դա կլինի այս մրցաշրջանում մեր վերջին հանդիպումը: Իսկ դրանից հետո կարելի է հանգստանալ,- ասել է իսպանացին: