«Ռեալը» Ռոնալդուին կդարձնի ամենաբարձր վարձատրվող ֆուտբոլիստը
Նմանատիպ
«Ռեալի» հարձակվող Կրիշտիանու Ռոնալդուն կարող է դառնալ աշխարհի ամենաբարձր վարձատրվող ֆուտբոլիստը, հաղորդում է իսպանական մամուլը:
«Արքայական» ակումբի ղեկավարությունը’ Ֆլորենտինո Պերեսի գլխավորությամբ, աշխատում է նրա համար, որպեսզի Պորտուգալիայի հավաքականի ֆուտբոլիստը նոր պայմանագիր կնքի’ ֆինանսական համապատասխան պայմաններով:
Հիշեցնենք’ մրցաշրջանի ընթացքում խաղացողը նշել էր, որ մադրիդյան ակումբում իրեն այդքան էլ երջանիկ չի զգում: Տեղեկացվում էր, որ նա Պերեսից նույնիսկ խնդրել է իրեն ուրիշ թիմ բաց թողնել:
Փնտրելով դրա պատճառները’ շատերը նշում էին’ Կրիշտիանուն ցանկանում է լինել աշխարհի ամենաբարձր վարձատրվող ֆուտբոլիստը: Որպես հնարավոր տարբերակ նաև նշվում էր, որ իսպանական ակումբում նա իրեն նույնքան կարևոր անձ չի զգում ու ակումբն իրեն այնքան չի գնահատում, որքան «Բարսելոնան»’ Լիոնել Մեսսիին:
Հետևեք մեզ նաև Telegram-ում