Տոտտի. Եթե տեղափոխվեի «Ռեալ», կհաղթեի Չեմպիոնների լիգայում, կստանայի «Ոսկե գնդակ»…
28/05/2013 17:27
Նմանատիպ
«Ռոմայի» ավագ Ֆրանչեսկո Տոտտին պատմել է, որ ժամանակին Մադրիդի «Ռեալ» տեղափոխվելու հնարավորություն է ունեցել: France Football-ին տված հարցազրույցում Տոտտին ասել է.
-Կարիերայիս ընթացքում իմ ծառայություններով հետաքրքրված են եղել եվրոպական մի շարք թոփ-ակումբներ, սակայն ես գերադասեցի մնալ «Ռոմայում»: Իհարկե, հասկանում էի` նման տեղափոխությունների շնորհիվ կկարողանայի հաղթել Չեմպիոնների լիգայում:
Եթե ընտրեի «Ռեալը», ապա հավանաբար երեք անգամ կհաղթեի Չեմպիոնների լիգայում, կստանայի մի քանի «Ոսկե գնդակ» և մի շարք տիտղոսներ: Ամեն դեպքում` ես ընդհանրապես չեմ զղջում, որ չեմ տեղափոխվել: Միայն ցավալի է, որ «Ռոմայի» կազմում ինձ չհաջողվեց նվաճել ևս երկու կամ երեք սկուդետտո,-ասել է Տոտտին:
Հետևեք մեզ նաև Telegram-ում