Մոուրինյոն պայմանագի՞ր է կնքել «Չելսիի» հետ

Պորտուգալացի մարզիչ Ժոզե Մոուրինյոն չորս տարվա պայմանագիր է կնքել Լոնդոնի «Չելսիի» հետ:

Ինչպես հաղորդում է անգլիական մամուլը, համաձայնագիրը ստորագրվել է անցյալ գիշեր: Իսկ պայմանագրի ընդհանուր արժեքը գնահատվում է 40 մլն. եվրո: Ենթադրվում է, որ մասնագետը իր պարտականությունների կատարմանը կանցնի հուլիսի կեսերին լոնդոնյան թիմի’ Թաիլանդում կայանալիք ուսումնամարզական հավաքից:

Հիշեցնենք’ Մոուրինյոն «ազնվականների» հետ երկու անգամ դարձել է Անգլիայի չեմպիոն, հաղթել է Անգլիայի գավաթը, երկու անգամ’ Լիգայի գավաթը ու մեկ անգամ’ Անգլիայի Սուպերգավաթը;