«Մոնակոն» չի բանակցում Վալդեսի ու Տևեսի հետ

«Մոնակոյի» սպորտային տնօրեն Վադիմ Վասիլյեվը հերքել է այն տեղեկությունները, թե ֆրանսիական ակումբ կարող են տեղափոխվել «Բարսելոնայի» դարպասապահ Վիկտոր Վալդեսն ու «Մանչեսթեր Սիթիի» հարձակվող Կառլոս Տևեսը:

-Մենք Տևեսի հարցով բանակցություններ չենք վարում: Շատ թերթեր տեղեկացնում են այդ մասին, սակայն այդ խաղացողի թեկնածությունը մենք երբեք չենք դիտարկել: Ինչ վերաբերում է Վալդեսին, ապա դա էլ սուտ է, քանի որ մենք լիովին գոհ ենք մեր դարպասապահ Դանիել Սուբաշիչի խաղից,- ասել է Վասիլյեվը ֆրանսիական մամուլի հետ զրույցում: