«Սանթոսի» գլխավոր մարզիչը հեռացվել է աշխատանքից

Բրազիլական «Սանթոսի» ղեկավարությունն աշխատանքից հեռացրել է թիմի գլխավոր մարզիչ Մուրիսի Ռամալյոյին: Նշենք, որ 57-ամյա մասնագետն ընդամենը երկու մրցաշրջան գլխավորեց թիմը: 

«Սանթոսը» Ռամալյոյի հետ անցկացրել է 150 հանդիպում, տարել է 72 հաղթանակ, 42 հանդիպում ավարտել է ոչ ոքի, 36 պարտություն է կրել:

Հավելենք` նոր գլխավոր մարզչի հավանական թեկնածուների մասին առայժմ որևէ տեղեկատվություն չկա: