Պելե. Նեյմարը Մեսսիին գերազանցելու բոլոր նախադրյալներն ունի

Ֆուտբոլի արքա Պելեն կարծում է, որ իր հայրենակից Նեյմարը մոտ ժամանակներս կարող է գերազանցել «Բարսելոնայում» իր թիմակից Լիոնել Մեսսիին, հաղորդում է իսպանական մամուլը:

Հիշեցնենք’ «Սանտոսի» նախկին խաղացողը օրերս պաշտոնապես դարձավ կատալոնական ակումբի ֆուտբոլիստ:

-Վերջին երկու տարիների ընթացքում Նեյմարը զգալիորեն առաջադիմել է: Նա հիանալի է հանդես գալիս երկու ոտքերով էլ, ինչպես նաև աշխատում է երկրորդ հարկում: Իհարկե, ես հիանում եմ Մեսսիի խաղով: Սակայն եթե նրանց համեմատենք, ես կարծում եմ, որ Նեյմարը բոլոր նախադրյալներն ունի, որպեսզի գերազանցի արգենտինացուն,- ասել է Պելեն: