Մոուրինյո. Պեպեն դավաճանեց ինձ
Նմանատիպ
«Ռեալի» նախկին գլխավոր մարզիչ Ժոզե Մոուրինյոն նշել է, որ զարմացել է թիմի պաշտպան Պեպեի վարքագծից: Ըստ մարզչի խոսքերի’ ինքը միշտ փորձել է պաշտպանել նրան, բայց վերջինս պատասխանել է դավաճանությամբ:
-Չգիտեմ’ ինչու Պեպեն դավաճանեց ինձ: Շատերն էին ցանկանում, որ նա հեռանա «Ռեալից», սակայն ես պահպանեցի նրան ու աջակցեցի ամեն կերպ: Հետո նա վնասվածք ստացավ, ու Ռաֆայել Վարանը հիմնական կազմում գրավեց նրա տեղը: Ակնհայտ է’ Պեպեն այդպես էլ չկարողացավ հարմարվել նոր իրողությանը: Արդյունքում, այսօր նրանք, ովքեր Պեպեին նախկինում մարդասպան էին անվանում, աջակցություն են հայտնել նրան: Դա «Ռեալին» միայն օգուտ է բերել: Պեպեի նման խաղացողները պետք են թիմին,- Մոուրինյոյի խոսքերը մեջբերում է Punto Pelota-ն:
Հիշեցնենք’ հարցազրույցներից մեկում Պեպեն Մոուրինյոյի վարքագիծը ոչ ադեկվատ էր անվանել: Անձամբ մասնագետը մրցաշրջանի ավարտից հետո հեռացավ Մադրիդից ու գլխավորեց «Չելսին»:
Հետևեք մեզ նաև Telegram-ում