Մեսսի. Հույս ունեմ` Նեյմարի հետ հիանալի կհամագործակցենք

Այսօր «Բարսելոնայի» առավոտյան մարզումից հետո հրավիրված մամուլի ասուլիսին մասնակցել է նաև թիմի առաջատար Լեո Մեսսին: Ներկա լրագրողները կրկին առիթը բաց չեն թողել արգենտինացու կարծիքը թիմի նորեկ Նեյմարի մասին ճշտելու համար:

-Նեյմարի տեղափոխությունը «Բարսելոնային» շատ բան կտա: Նա օգուտ կբերի թիմին: Նեյմարը շատ ուժեղ է պաշտպանների հետ անհատական պայքարում, դա կօգնի մեր հարձակմանը:

Հույս ունեմ, որ Նեյմարի հետ հիանալի կհամագործակցենք: Չեմ կարծում, թե նրա համար թիմին հարմարվելը խնդիր լինի,-ասել է Մեսսին: