Լուչեսկու.Մխիթարյանը հիանալի, ֆանտաստիկ ֆուտբոլիստ է

Միրչա Լուչեսկուն թուրքական լրատվամիջոցների հետ զրույցում խոսել է Դոնեցկի «Շախտյորը» լքած երեք ֆուտբոլիստների՝ Ֆերնանդինյոյի, Մխիթարյանի և Վիլիանի մասին: Այս մասին հայտնում է «Շախտյորի» պաշտոնական կայքը: Լրագրողներից մեկը նշել է, որ դոնեցկյան ակումբը ձեռք է բերում երիտասարդ խաղացողների, որոնց հետագայում վաճառում է մեծ գումարներով:Այս առիթով Լուչեսկուն ասել է.

-Տրանսֆերներից ստացված գումարը մոտավորապես կազմում է 102 միլիոն եվրո. Ֆերնանդինյոն՝ 40 միլիոն, Վիլիանը՝ 35, իսկ Մխիթարյանը՝ 27,5: Այժմ, այդ ֆուտբոլիստները նոր մակարդակի են հասել, երբ հանրահայտ ակումբները ցանկանում են ձեռք բերել նրանց: Հուսով եմ, որ ապագայում նրանք առանցքային կատարողներ կդառնան իրենց նոր թիմերում, Վիլիանի և Ֆերնանդինյոի դեպքում՝ նաև Բրազիլիայի հավաքականում:

Իսկ, ահա Մխիթարյանը, ով այժմ հանդես է գալիս Դորտմունդի «Բորուսիայի» կազմում, իմ կարծիքով՝ ուղղակի հիանալի, ֆանտաստիկ ֆուտբոլիստ է: Ես հպարտ եմ, որ որոշակի ներդրում եմ ունեցել այդ բոլոր խաղացողների զարգացման գործում, – ասել է ռումինացի մասնագետը: