Մոուրինյոն գովաբանում է «Ման. Սիթիի» նորեկներին

«Չելսիի» գլխավոր մարզիչ Ժոզե Մոուրինյոն իր կարծիքն է արտահայտել «Մանչեսթեր Սիթիի» վարած տրանսֆերային քաղաքականության վերաբերյալ:

-Տեղյակ եմ, թե ում են նրանք գնել: Երբ խոսում ենք Խեսուս Նավասի և Ալվարո Նեգրեդոյի մասին, պետք է հասկանալ, որ նրանք Աշխարհի և Եվրոպայի չեմպիոններ են: Ստեվան Յովետիչը երկու տարուց ավելի իտալական ֆուտբոլի լավագույն խաղացողներից մեկն էր: Ֆերնանդինյոն ևս շատ փորձառու է:

Նրանք բոլորն ավելի քան պատրաստ են նոր մրցաշրջանին: Եթե նայենք նրանց տարիքին և մարզավիճակին, կտեսնենք, որ հիմա Անգլիայում խաղալու համար ամենահարմար ժամանակն է: Նրանք հարմարվելու և սովորելու որևէ խնդիր էլ չունեն,-ասել է Մոուրինյոն: