Մեսսի. Մարտինոյի՝ մեր թիմ գալու հետ կապ չունեմ

«Բարսելոնայի» հարձակվող Լեո Մեսսին արձագանքել է մամուլում տեղ գտած այն տեղեկատվությանը, թե նա իր դերն է ունեցել նոր մարզչի նշանակման հարցում.

-Ես որևէ կապ չունեմ Խերարդո Մարտինոյի՝ նոր պաշտոնում նշանակվելու հետ: Չեմ պատրաստվում բացատրել այդ որոշումը. նման հարցերով ակումբի ղեկավարներն են զբաղվում: Կարող եմ ասել, որ Մարտինոն լավ մարզիչ է, չնայած անձամբ չեմ ճանաչում ու չեմ հանդիպել նրան: Լավ եմ վերաբերվում նրան մեր մարզիչ նշանակելու փաստին, քանի որ իր նախկին թիմերում լավ է աշխատել: Հույս ունեմ, մեզ հետ էլ ամեն բան լավ կլինի: Պետք է պատրաստվենք բարդ մրցաշրջանին: