«Բարսելոնան» հետաքրքրված է «Պորտուի» պաշտպաններով

«Պորտուի» պաշտպաններ Էլիակիում Մանգալան և Նիկոլաս Օտամենդին հայտնվել են «Բարսելոնայի» ուշադրության կենտրոնում, հաղորդում է Sport.es-ը։

Կատալոնական ակումբի ղեկավարությունը ակտիվորեն որոնում է պաշտպանական գիծն ուժեղացնելու մեթոդներ։ Հնարավոր տարբերակ է համարվում 22-ամյա Մանգալայի տրանսֆերը։

Արժե նշել, որ «Պորտուն» չի նախատեսում հրաժարվել խաղացողից ձմեռային տրանսֆերային պատուհանի ընթացքում։

Պորտուգալական ակումբը Մանգալային գնահատում է 50 միլիոն եվրո, Օտամենդիին՝ 30 միլիոն։

Հիշեցնենք, որ ավելի վաղ հայտնի դարձավ, որ «Բարսելոնան» պատրաստվում է բաժանվել Խավիեր Մասկերանոյից 20 միլիոն եվրոյի դիմաց։