Apple-ը հետաձգել է ինքնակառավարվող մեքենաների թողարկումը

Apple ընկերությունը որոշել է հետաձգել սեփական ինքնակառավարվող (անօդաչու) մեքենայի թողարկումը։ Նոր նախագծի համաձայն՝ աշխատանքները կավարտվեն 2026 թվականից ոչ շուտ։

Հայտնի է, որ հետաձգումը կապված է այն խնդիրների հետ, որոնց կազմակերպությունը բախվել է մեքենայի նախագծման ընթացքում։

Apple-ը փոխել է իր արտադրանքի դիրքավորումը ավտոշուկայում։ Տարբեր աղբյուրների համաձայն, ընկերությունն այժմ մտադիր է նոր էլեկտրամեքենայի արժեքը սահմանել 100 հազար դոլարը չգերազանցող մակարդակի վրա։

Սա մեքենան կդնի մոտավորապես նույն գնային միջակայքում, ինչ Tesla-ի սկզբնական Model S-ը և Mercedes-Benz-ի EQS-ը: Այս ֆոնին կորպորացիան ստիպված կլինի սահմանափակել անօդաչու վարելու որոշ գործառույթներ։ Ավելին, ընկերությունը դեռ չի ընտրել մեքենայի դիզայնը։ Կազմակերպությունը նպատակ ունի լուծել այս խնդիրը մինչև հաջորդ տարի, իսկ 2024 թվականին Apple-ը պատրաստվում է բացահայտել արտադրանքի տեխնիկական բնութագրերը։ 

Մեքենայի փորձարկումը պետք է տեղի ունենա 2025 թվականին։