Ստեղծվել է հանձնաժողով՝ զորակոչի անցկացման թափանցիկության և քաղաքացիների դիմում-բողոքների քննարկման համար

ՀՀ պաշտպանության նախարարի հրամանով 2012 թվականի գարնանային զորակոչի անցկացման գործընթացի թափանցիկության և զորակոչի ընթացքում օրինականության ապահովման, ինչպես նաև քաղաքացիների դիմումներում ու բողոքներում բարձրացված հարցերի արագ լուծման նպատակով ստեղծվել է հանձնաժողով` ՀՀ պաշտպանության նախարարին առընթեր հասարակական խորհրդի նախագահ  Գեղամ Հարությունյանի ղեկավարությամբ: 

ՊՆ մամլո ծառայության փոխանցմամբ՝ զորակոչի ընթացքում քաղաքացիներն իրենց դիմում–բողոքները կարող են ներկայացնել աշխատանքային օրերին, ժամը 10:00-ից 17:00-ն, հասցե` Մոսկովյան 5 (ՀՀ պաշտպանության նախարարին առընթեր հասարակական խորհրդի աշխատավայր), հեռախոս` 52-34-86, 52-34-82: 

Հանձնաժողովի աշխատանքը բաց է լրատվամիջոցների համար: