Էդ.Նալբանդյանն ընդունել է բարոնուհի Քերոլայն Քոքսին
Նմանատիպ
Մայիսի 28-ին ԱԳ նախարար Էդվարդ Նալբանդյանն ընդունեց Միացյալ Թագավորության լորդերի պալատի անդամ բարոնուհի Քերոլայն Քոքսին:
Ողջունելով բարոնուհուն` նախարար Նալբանդյանը բարձր գնահատեց տարիներ ի վեր Քերոլայն Քոքսի ցուցաբերած աջակցությունը Հայաստանին ու Արցախին, նրա կողմից ծավալած մարդասիրական գործունեությունը եւ երախտագիտություն հայտնեց բարոնուհուն իր հայանպաստ գործունեության համար, հայտնում են ԱԳՆ մամլո ծառայությունից:
Բարոնուհի Քոքսը, շնորհակալություն հայտնելով ջերմ խոսքերի համար, ասաց, որ շարունակելու է իր գործունեությունը ի նպաստ հայ-բրիտանական հարաբերությունների ամրապնդման:
Զրույցի ընթացքում քննարկվեցին երկկողմ միջխորհրդարանական համագործակցությանը վերաբերող հարցեր:
Քերոլայն Քոքսի խնդրանքով Էդվարդ Նալբանդյանը ներկայացրեց արցախյան հիմնախնդրի կարգավորման գործընթացի վերջին զարգացումները:
Հետևեք մեզ նաև Telegram-ում