ՈւԵՖԱ-ի նախագահը մտադիր է ֆուտբոլիստների աշխատավարձի վերին շեմ սահմանել
Նմանատիպ
ՈւԵՖԱ-ի նախագահ Ալեքսանդր Չեֆերինը հայտարարել է ֆուտբոլում աշխատավարձերի շեմ սահմանելու ցանկության մասին։ Նրա խոսքով՝ այս նախաձեռնությունը իրականացնելու բանակցություններն արդեն սկսվել են։
«Ապագայում մենք պետք է լրջորեն մտածենք աշխատավարձերի շեմ սահմանելու մասին։ Եթե բյուջեները բարձրանան, ապա մեր մրցակցային հաշվեկշիռը խնդիր կդառնա: Խոսքը ոչ թե ակումբների սեփականատերերի, այլ մրցակցության արժեքի մասին է: Որովհետև եթե նույն հինգ ակումբները միշտ հաղթում են, մրցաշարերն այլևս իմաստ չունեն։
Ես արդեն խոսել եմ Եվրահանձնաժողովից որոշ մարդկանց հետ, մենք փորձում ենք առաջ շարժվել աշխատավարձերի շեմի ներդրմամբ։ Բայց դա պետք է լինի հավաքական որոշում՝ յուրաքանչյուր լիգայի և ՈՒԵՖԱ-ի մասնակցությամբ: Ի վերջո, եթե որոշ լիգաներ մտցնեն աշխատավարձի շեմ, իսկ մյուսները՝ ոչ, դա նույնպես իմաստ չի ունենա:
Զարմանալի է, բայց մինչ այժմ բոլորը համաձայն են՝ մեծ ակումբներ, փոքր ակումբներ, պետական ակումբներ, միլիարդատերերին պատկանող ակումբներ։ Բոլորը համաձայն են: Հուսով եմ, որ դա կարվի որքան հնարավոր է շուտ: Մենք նոր ենք սկսել քննարկել դա, բայց կարծում եմ, որ լուծումը հեռու չէ։ Մենք պետք է լրջորեն քննարկենք աշխատավարձի շեմ մտցնելու հարցը», – Չեֆերինի խոսքերն է փոխանցում The Independent-ը:
Հետևեք մեզ նաև Telegram-ում