Անչելոտի. Մեզ համար դարպասապահի հարցը խնդիր չէ
Նմանատիպ
Մադրիդի «Ռեալի» գլխավոր մարզիչ Կարլո Անչելոտին ընդգծել է, որ իր թիմն այս մրցաշրջանում ավելի մրցունակ է, քան՝ նախորդում, և տիտղոսներ նվաճելու մեծ ցանկություն ունի:
««Լա դեսիմային» տիրանալը շատ կարևոր արդյունք էր: Կարծում եմ՝ մեզ համար կարևոր փուլի սկզբում ենք, ավելի շատ տիտղոսներ նվաճելու ցանկություն ունենք, մասնակցելու ենք մրցաշարերի և մրցունակ թիմ ունենք: Մենք մեծ հույսեր ունենք»,-Անչելոտիի խոսքերն է մեջբերում «Marca»-ն:
Անդրադառնալով դարպասապահ Կելյոր Նավասի հնարավոր տեղափոխությանը և այն հարցին, թե ով է լինելու հիմնական դարպասապահը՝ իտալացի մասնագետը նշել է. «Կեյլոր Նավասը դեռ «Ռեալ Մադրիդի» խաղացող չէ: Հիմա 3 դարպասապահ ունենք, նույն դարպասապահները, ինչ նախորդ մրցաշրջանում: Մենք նախամրցաշրջանային փուլում ենք: Իկերն այսօր է սկսել մարզվել: Մեզ համար դարպասապահի հարցը խնդիր չէ: Անցած տարի այս հարցի վերաբերյալ քննարկումները շատ էին, սակայն ինձ համար այդ հարցը խնդիր չէր: Մրցաշրջանի սկզբում կորոշեմ՝ ով կլինի հիմնական դարպասապահը»,-ասել է Անչելոտին:
Հետևեք մեզ նաև Telegram-ում