5 մուլտֆիլմ ընտանեկան դիտման համար

Պատրաստեք պոպ-կորնը, անջատեք սենյակի լույսը, հարմար տեղավորվեք բազմոցին և սկսեք ընտանեկան դիտումը։ Երեխաների պաշտպանության միջազգային օրվա կապակցությամբ Times-ը առաջարկում է 5 մուլտֆիլմ, որը կարող եք դիտել ընտանիքի հետ։ Մուլտֆիլմեր, որոնք ունեն հետաքրքիր մեսիջ, բարություն և սեր դեպի աշխարհը։

Էվերեստ

Գիտությանն անհայտ բրդոտ գազանը փախչում է լաբորատորիայից և հայտնվում աղմկոտ մեգապոլիսում։ Խուճապահար գազանը թռչկոտում է տանիքից տանիք, մինչև հանդիպում է դպրոցական Լուն, որը հասկանալով, որ գազանիկը կախարդական է, որոշում է օգնել մրան։ Լաբորատորիայի աշխատակիցները փնտրում են գազանին, իսկ Լուն անում է ամեն հնարավորը կենդանուն սարեր վերադարձնելու համար։ Լուին միանում են հարևանությամբ ապրող տղաները և միասին ճանապարհ են ընկնում դեպի ամենաբարձր գագաթը՝ Էվերեստ։

Լուկա

Մուլտֆիլմի հերոս Լուկայի անմոռանալի արձակուրդները անցնում են իտալական ծովափնյա գեղեցիկ քաղաքում։ Լիքը տնական մակարոն, պաղպաղակ և բազում արկածներ։ Ռիվիերայում Լուկայի ոչ մի արկած ամբողջական չէ, առանց նրա լավագույն ընկերոջ։ Հանկարծակի տղաների հանգստը ավարտվում է, երբ Լուկան իմանում է, որ իր ընկերոջ կերպարում թաքնված է ծովային հրեշ այն ծովածոցի խորքերից, որի ափին գտնվում է քաղաքը։

Կոկոյի գաղտնիքը

12-ամյա Միգելը ապրում է իր ընտանիքի հետ մեքսիակական մի գյուղում։ Նրանք սերնդեսերունդ դառնում են կոշկակար, բայց փոքրիկ Միգելը թաքուն երազում է երաժիշտ դառնալու մասին։ Նրա ընտանիքիում երաժշտությունը համարում է անեծք։ Շատ տարիներ առաջ Միգելի նախապապը թողել է իր կնոջը հանուն երաժշտության։ Այդ օրվանից երաժշտության մասին խոսելը համարվում էր տաբու։ Մի օր Միգելը պարզում է, որ իր սիրելի երգիչը, որը մահացել էր տարիներ առաջ՝ Էռնեստո Դե լա Քրուսը, փոքրիկն ունի արյունակցական կապ։ Միգելը իր կուռքի հետքերով ուղևորվում է մահացածների աշխարհ, որտեղ հանդիպում է նաև իր գերադաստանի մի շարք անդամների։

Մոանա

Անվախ Մոանան, որը Խաղաղ օվիկանոսի մի ափում բնակվող ցեղապետի աղջիկ է, երազում է արկածների մասին։ Նա որոշում է ճանապարհ ընկնել մեծ, վտանգավոր ծովային ճանապարհորդության։ Մաուի աստծո հետ, նրանք պետք է անցնեն օվկիանոսը, պայքարել սարսափելի հրեշների դեմ և ոչնչացնել հնագույն կախարդանքը։ Խիզախ ու համառ աղջիկը հայտնվում է վտանգավոր իրավիճակներում, որոնցից թվում է՝ դուրս գալու տարբերակ չկա։

Հոգի

Երաժշտության ուսուցիչ Ջո Գարդները ամբողջ կյանքում երազում էր դառնալ պրոֆեսիոնալ երաժիշտ և ներկայանար ջազային նավագախմբում։ Մի գեղեցիկ օր նա հաջողությամբ լսումներ է անցնում լեգենդար սաքսոֆոնահարուհու մոտ և երջանիկ տուն վերադառնալու ճանապարհին ընկնում է հորանցքը և մահանում։ Ջոյին մնում է մեկ ճանապարհ՝ ուղևորվել դեպի Մեծն Հետո, բայց Ջոն փախչում է դեպի հավերժություն ընթացքող շարժասանդուղքից և հայտնվում է Մեծն Մինչևում, որտեղ հոգիները ծնվում են։ Մինչև ծնվելը հոգիները օժտվում են տաղանդներով, երազանքներով: Ջոն դառնում է 22-րդ համարի հոգու դաստիարակը, որը դարեր շարունակ չէր կարողանում հասկանալ աշխարհ գալու իր միսսիան։