ԱՍԵԱՆ-ում ԱՄՆ դեսպան է նշանակվել Նինա Խաչիկյանը
Նմանատիպ
ԱՄՆ նախագահ Բարաք Օբաման լոսանջելեսաբնակ 47-ամյա Նինա Խաչիկյանին նշանակել է Հարավարևելյան Ասիայի ազգերի կազմակերպությունում (ԱՍԵԱՆ) ԱՄՆ դեսպան: Նստավայրը` Ինդոնեզիա: Այս մասին տեղեկացնում է «Ազբարեզ» կայքը` հայտնելով, որ Խաչիկյանն արդեն իսկ անցել է իր պարտականությունների կատարմանը:
Նինա Խաչիկյանն Ինդոնեզիայի իր նստավայրից լինելու է Հարավարևելյան Ասիայի տասը ազդեցիկ երկրի հետ ԱՄՆ հարաբերությունների պատասխանատուն: Նոյեմբերին տեղի է ունենալու ԱՍԵԱՆ-ի գագաթաժողովը, որին Խաչիկյանը մասնակցելու է նախագահ Օբամայի հետ միասին:
Ասիայում ԱՄՆ քաղաքականության մասնագետ Նինա Խաչիկյանն աշխատել է «Ռենտ»-ի և «Ամերիկյան առաջադիմության կենտրոն» կազմակերպություններում, նույն ժամանակահատվածում` 1998-1999թթ.-ին, զբաղեցրել է ԱՄՆ նախագահի Ազգային ապահովության խորհրդատուի տեղակալի պաշտոնը, եղել է նաև Դաշնակցային առևտրի հանձնաժողովի ատենապետի խորհրդատու:
Նորանշանակ դեսպանը սովորել է «Սթենֆորդի» համալսարանում` ստանալով իրավաբանի բարձր որակավորում:
Հետևեք մեզ նաև Telegram-ում
