Գրոզնիում բազմահազարանոց երթով են նշում Պուտինի ծննդյան օրը
Նմանատիպ
Գրոզնու կենտրոնական շրջանում հոկտեմբերի 7-ին բազմահազարանոց երթ Է անցկացվում Ռուսաստանի նախագահ Վլադիմիր Պուտինի ծննդյան օրվա կապակցությամբ, տեղեկացնում Է «Արմենպրես»-ը՝ հղում անելով ՌԻԱ Նովոստիին:
«Ակցիայի մանակիցները տանում են Ռուսաստանի եւ Չեչնիայի՝ մինչեւ 600 մետր երկարությամբ դրոշներ եւ վանկարկում՝ «Ռուսաստան», «Չեչնիա»:
Երթը մեկնարկել Է Մինուտկա հրապարակից եւ շարժվում Է Ահմադ Քադիրովի պողոտայով: Ինչպես հայտնել Է Չեչնիայի ՆԳ նախարարության ներցկայացուցիչը, միջոցառմանը «մինչեւ հարյուր հազար մարդ» Է մասնակցում:
Երթը կավարտվի տոնական համերգով եւ ժողովրդական տոնախմբությամբ:
ՌԴ-ի նախագահի մամուլի քարտուղար Դմիտրի Պեսկովը նախօրյակին հայտնել Է, որ Վլադիմիր Պուտինն իր ծննդյան օրը կդիմավորի սիբիրյան տայգայում՝ բնակավայրերից հեռու:
Հոկտեմբերի 7-ին լրանում Է Պուտինի 62-ամյակը:
«Պուտինը վաղը հանգստյան օր Է վերցնելու: Այսօր երեկոյան նա կմեկնի Սիբիր, սիբիրյան տայգա՝ մերձակա բնակավայրից 300-400 կիլոմետր հեռու ընկած շրջան, որտեղ նա կհանգստանա իր ծննդյան օրը»,- լրագրողներին հայտնել Է Պեսկովը:
Նա պարզաբանել Է, թե վայրի ընտրությունը կապված Է այն բանի հետ, որ հոկտեմբերի 8-ին նախագահը պաշտոնական միջոցառումներ Է անցկացնելու Սիբիրում:
Հետևեք մեզ նաև Telegram-ում