ՀՀ պատմության մեջ առաջին անգամ ըմբշամարտի մեր ընտրանին հաղթել է թիմային պայքարում
22/06/2023 18:18
Նմանատիպ
Ազատ ոճի ըմբշամարտի Հայաստանի պատանեկան հավաքականը Եվրոպայի առաջնության թիմային հաշվարկում զբաղեցրել է առաջին տեղը։
Հայաստանի Հանրապետության պատմության մեջ առաջին անգամ ըմբշամարտի մեր ընտրանին հաղթել է թիմային պայքարում: Այս հաջողությանը մեր ոչ մի տարիքային հավաքական չէր հասել (ազատ ոճ և հունահռոմեական ոճ):
Ազատ ոճայինները Տիրանայում անցկացվող Եվրոպայի առաջնություն էին մեկնել 10 ըմբիշով: Նրանցից 9-ը պայքարել են մեդալի համար: Թիմը նվաճել է 1 ոսկե, 5 արծաթե և 2 բրոնզե մեդալ։ Ընդհանուր 169 միավորով Հայաստանի հավաքականը զբաղեցրել է առաջին հորիզոնականը՝ առաջ անցնելով Ադրբեջանի և Վրաստանի հավաքականներից։
