Պուտինը և Պորոշենկոն հեռախոսազրույց են ունեցել
Նմանատիպ
Ռուսաստանի նախագահ Վլադիմիր Պուտինը Ուկրաինայի նախագահ Պյոտր Պորոշենկոյի հետ կայացած հեռախոսազրույցի ընթացքում քննարկել է Ուկրաինայի հարավ-արևելքում իրադրության խաղաղ կարգավորմանն օժանդակելու հնարավոր միջոցառումները:
«Քննարկվել են Ուկրաինայի հարավ-արևելքում իրադրության խաղաղ կարգավորմանն աջակցելու հնարավոր միջոցառումները»,- ասված է Կրեմլի մամուլի ծառայության հաղորդագրության մեջ:
ՌԴ-ի եւ Ուկրաինայի նախագահները նաև պայմանավորվել են քննարկել Ռուսաստանից Ուկրաինային գազի մատակարարման հիմնախնդիրը:
«Հավաստվել է կարծիքների փոխանակումը շարունակելու պատրաստակամությունը «Ասիա-Եվրոպա» ֆորումի՝ հոկտեմբերի 16-17-ը Միլանում կայանալիք գագաթնաժողովի շրջանակներում, ներառյալ գազի հարցի շուրջ»,- նշվում է հաղորդագրության մեջ:
Հեռախոսազրույցը կայացել է ուկրաինական կողմի նախաձեռնությամբ:
Հետևեք մեզ նաև Telegram-ում