Ռուսաստանի ռազմածովային նավատորմը վարժանքներ կանցկացնի Միջերկրական ծովում
Նմանատիպ
Հյուսիսային նավատորմի «Դերծովակալ Կուլակով» հակասուզանավային մեծ նավը եւ Սեւծովյան նավատորմի «Նովոչերկասկ» դեսանտային մեծ նավը վարժանքներ կանցկացնեն Միջերկրական ծովում: Այդ մասին հոկտեմբերի 15-ին լրագրողներին հայտնել Է Հյուսիսային նավատորմի ներկայացուցիչ առաջին կարգի նավապետ Վադիմ Սերգան:
Միջնավատորմային փոխգործակցության տարրերի կատարելագործումն այն հիմնական խնդիրներից մեկն Է, որոնք Ռուսաստանի ռազմածովային ուժերի նավերի անձնակազմերը լուծում են հեռավոր ռազմերթերի ընթացքում:
«Մոտ ժամանակներս Հյուսիսային նավատորմի եւ Սեւծովյան նավատորմի մարտանավերը կհանդիպեն Եգեյան ծովի կենտրոնական մասում: Այնուհետեւ Միջերկրական ծովի արեւելյան շրջաններ անցնելիս «Դերծովակալ Կուլակով» հակասուզանավային մեծ նավը եւ «Նովոչերկասկ» դեսանտային մեծ նավը կկատարելագործեն համատեղ մանեւրումը, ինչպես նաեւ կկատարեն մարտանավերի կապի, պահպանության եւ պաշտպանության կազմակերպման զինավարժանքներ»,- ասել Է Սերգան, հաղորդել Է ՌԻԱ Նովոստին:
Հետևեք մեզ նաև Telegram-ում