ԵԽԽՎ նախագահը կոչ է արել Ալիևին ազատ արձակել Իլհար Մամեդովին
Նմանատիպ
ԵԽԽՎ նախագահը կոչ է արել Ադրբեջանի նախագահին ազատ արձակել Իլհար Մամեդովին, ինչպես նաև արագացնել Մարդու իրավունքների եվրոպական կոնվենցիային իրավական դաշտը համապատասխանեցնելու ռեֆորմները:
Մարդու իրավունքների եվրոպական դատարանի՝ Իլհար Մամեդովի վերաբերյալ վերջնական որոշման հետ կապված ԵԽԽՎ նախագահ Անն Բրասեերը կոչ է անում իշխաննություններին ազատել նրան, ինչպես նաև նրա պարագայում ի կատար ածել դատարանի վճիռը:
«Իլհար Մամեդովի դեպքը ցույց է տալիս Ադրբեջանում արդարության գործադրման դեֆիցիտը: Դրանք պետք է հրատապ կերպով լուծվեն և ես կոչ եմ անում իշխանություններին արագացնել ռեֆորմները և համապատասխանեցնել Մարդու իրավունքների եվրոպական կոնվենցիայի ստանդարտներին»,- նշված է Բրասերի հայտարարության մեջ:
Իր Ադրբեջան կատարած վերջին այցի ընթացքում ԵԽԽՎ նախագահը հանդիպել է Իլհար Մամեդովի, ինչպես նաև, մարդու իրավունքների երկու ակտիվիստների հետ, որոնք գտնվում են բանտում:
Հետևեք մեզ նաև Telegram-ում