Արցախի Ազգային ժողովի նախագահ է ընտրվել Դավիթ Իշխանյանը
07/08/2023 12:04
Նմանատիպ
Արցախի Հանրապետության Ազգային ժողովն այսօր արտահերթ նստաշրջան է գումարել, որի օրակարգում Ազգային ժողովի նախագահի ընտրության հարցն է եղել։
Արցախի Ազգային ժողովի նախագահ է ընտրվել ՀՅԴ խմբակցության անդամ Դավիթ Իշխանյանը։
Փակ գաղտնի քվեարկության արդյունքներով Դավիթ Իշխանյանը հավաքել է 22 կողմ, 9 դեմ ձայն։
ԱԺ նախագահի պաշտոնում Դավիթ Իշխանյանին ընտրելու վերաբերյալ խորհրդարանի որոշումը ներկայացրել է փոխնախագահ Գագիկ Բաղունցը։
Հիշեցնենք, որ Արթուր Թովմասյանը հուլիսի 29-ին Արցախի ԱԺ նախագահի պաշտոնից հրաժարական էր ներկայացրել։ Արցախի ԱԺ նախագահի պաշտոնում Դավիթ Իշխանյանի թեկնածությունն առաջադրել էր իշխող Ազատ Հայրենիք-ՔԴՄ խմբակցությունը։
Հետևեք մեզ նաև Telegram-ում