ԵԱՀԿ նախագահը Լաչինի միջանցք է գործուղել իր անձնական ներկայացուցչին
16/08/2023 17:30
Նմանատիպ
Եվրոպայում անվտանգության և համագործակցության կազմակերպության (ԵԱՀԿ) ներկայիս նախագահ Բույար Օսմանին իր անձնական ներկայացուցիչ Անջեյ Կասպրշիկին գործուղել է Լաչինի միջանցքի շրջան։ Այս մասին Բույար Օսմանին գրել է Twitter–յան իր էջում։
Following up to my phone conversations from last week, as @OSCECiO I requested my Personal Representative Andrzej #Kasprzyk to visit the #Lachin area and to report back to me on the current situation on the ground. (1/2)— Bujar Osmani (@Bujar_O) August 16, 2023
«Ես խնդրել եմ իմ անձնական ներկայացուցչին այցելել Լաչինի շրջան և զեկուցել ինձ տեղում առկա իրավիճակի մասին»,– գրել է նա։
Նա հայտնել է, որ նման որոշում է կայացրել Հայաստանի և Ադրբեջանի արտգործնախարարների հետ անցած շաբաթ տեղի ունեցած հեռախոսազրույցներից հետո:
«Ես կրկնում եմ Լաչինի միջանցքով ազատ երթևեկություն տրամադրելու իմ կոչը։ Զուգահեռաբար պետք է բացվեն նաև մյուս երթուղիները։ Հումանիտար ասպեկտները միշտ պետք է գերակշռեն: Քաղաքական հարցերի շուրջ երկխոսությունը պետք է շարունակվի, և ԵԱՀԿ – ն պատրաստ է աջակցել դրան»,– գրել է նա:
