Գրքերի Թոփ-6՝ ըստ Իլոն Մասկի

Իլոն Մասկը աշխարհի ամենահայտնի և հարուստ գործարարներից մեկն է։ Նա ոչ միայն զբաղվում է տիեզերական թռիչքներով, ղեկավարում է Tesla-ն և համակարգում է Twitter-ը, այլև ընթերցանության մեծ սիրահար է։

Times.am-ը հավաքել է Իլոն Մասկի կողմից առաջարկված գրքերի թոփ 6-ը։

1․ «Կասկած վաճառողները» (“Merchants of Doubt”)․ Նաոմի Օրեսկես, Էրիկ Քոնուեյ

Այս գիրքն առևտրային ընկերությունների մասին է, որոնք շահույթ ստանալու նպատակով օգտագործում գիտական ​​բացահայտումներին հակասող «խայծեր»։

Ծխախոտ արտադրող ընկերությունների օրինակով հեղինակներ Նաոմի Օրեսկեսը և Էրիկ Քոնուեյը ցույց են տալիս, թե ինչպես են այդ ընկերությունները տարբեր հնարքներ օգտագործում գովազդում, հերքում ծխելու վտանգի մասին բժշկական եզրակացությունները։

Գիրքն ընդգրկում է նաև տնտեսության այլ ոլորտներ, որտեղ կիրառվում է նմանատիպ տեխնիկա:

2․ «Կյանք 3.0. Լինել մարդ արհեստական ​​բանականության դարաշրջանում» (“Life 3.0”). Մաքս Թեգմարկ

Մաքս Թեգմարկի գիրքը պատմում է կյանքի երեք փուլերի մասին՝ պարզունակ, մշակութային և դեռ անհայտ, բայց մարդկությանը արդեն սպասող։ Հեղինակը կենտրոնանում է վերջին փուլի վրա, որն անքակտելիորեն կապված է արհեստական ​​ինտելեկտի հետ։

Գիրքը ներկայացնում է մտորումներ իրավիճակի էվոլյուցիայի վերաբերյալ, որը կարող է առաջանալ:

3․ «Սթիվ Ջոբս. Կենսագրություն» (“Steve Jobs”). Ուոլթեր Այզեքսոն

Այս գիրքը գրվել է լրագրող Ուոլթեր Այզեքսոնի կողմից և հիմնված է անձամբ Սթիվ Ջոբսի և նրա շրջապատի անկեղծ հարցազրույցների վրա:

«Կենսագրություն»-ը ցույց է տալիս ինչպես Ջոբսի կյանքի հաջող պահերը, այնպես էլ նրա անհաջողությունները։ Գրքի կարևոր առանձնահատկությունն անկողմնակալությունն է. Այզեքսոնին ոչ ոք չէր վերահսկում կամ սահմանափակում աշխատանքում։

4․ «Համատեղելիություն. Ինչպես վերահսկել արհեստական ​​ինտելեկտը» (“Human Compatible: Artificial Intelligence and the Problem of Control”). Ստյուարտ Ռասել

Այս գիրքը նվիրված է արհեստական ​​ինտելեկտի թեմային։ Հեղինակ Ստյուարտ Ռասելը խոսում է այն մասին, թե ինչպես կարելի է կանխել մեքենաների կողմից մարդկության հնարավոր ոչնչացումը: Որպես լուծում նա առաջարկում է արհեստական ​​ինտելեկտի գործունեությունը դարձնել ալտրուիստական ​​ու օգտակար։

Գրքի գլխավոր գավափարն է՝ «Մեքենաների բոլոր գործողությունները պետք է ուղղված լինեն ոչ թե իրենց, այլ մարդու շահերին»:

5․ «Տիեզերք. Կյանքի ծագումը, մեր գոյության իմաստը և հսկայական տիեզերքը» (“The Big Picture: On the Origins of Life, Meaning, and the Universe Itself”)․ Շոն Քերոլ

Սա Շոն Քերոլի կողմից գրված ոչ գեղարվեստական ​​աշխատանք է, որն անդրադառնում է տիեզերքի թեմաներին և նրանում մարդու դիրքին:

Հեղինակը ուսումնասիրում է հարցերի լայն շրջանակ՝ տարածությունից և գոյության խնդիրներից մինչև անձի ինքնաճանաչում և ընտրության ազատություն:

6․ «Սուտ․ Ինչու միշտ ավելի լավ է ճշմարտությունն ասել» (“Lying.”). Սեմ Հարիս

Սեմ Հարիսի այս գիրքը խոհուն հայացք է նետում ստելու գաղափարին: Հեղինակը ցույց է տալիս, որ սուտ ասելը կարող է չափազանց վտանգավոր հետևանքներ ունենալ։ Նա, ով սկսում է խաբել ուրիշներին, հաճախ սկսում է ստել նաև ինքն իրեն, և դա կարող է հանգեցնել աղետալի արդյունքների: Փոխարենը, ճշմարտությունն ասելը շատ ավելի ձեռնտու է։

 

Հետևեք մեզ նաև Telegram-ում