ԱՄՆ նախագահը բացահայտ քննադատություն է հնչեցրել Թուրքիայի հասցեին

Մերձավոր Արևելքում իրավիճակի կտրուկ սրման և “քուրդ զինյալների դեմ պայքարի” պատրվակով Սիրիայի հյուսիս-արևելյան տարածքներում Թուրքիայի գործողությունների կապակցությամբ ԱՄՆ նախագահը հատուկ հայտարարություն է արել, որում բացահայտ քննադատություն է հնչեցրել Թուրքիայի հասցեին: Նախագահ Բայդենի խոսքով ՝ իրավիճակը Սիրիայում և Սիրիայի հետ կապված, իսկ “մասնավորապես Սիրիայի հյուսիս-արևելքում ռազմական գործողություն իրականացնելու Թուրքիայի կառավարության գործողությունները խաթարում են ԴԱԻՇ-ի դեմ պայքարի արշավը, վտանգի ենթարկում խաղաղ բնակչությանը և էլ ավելի սպառնում խաթարել խաղաղությունը, անվտանգությունն ու կայունությունը տարածաշրջանում»։

Թուրքիայի ընդդիմադիր համարվող կուսակցության առաջնորդ Մերալ Աքշեները երեկ ակնհայտ կեղծ հայտարարություն է արել Հայաստանի տարածքում և Թուրքիայի հետ սահմանին իբր գործող “ահաբեկչական խմբավորումների” մասին: Դրան նախորդել էր Իլհամ Ալիևի հայտարարությունը “Ղարաբաղում մնացած հայկական  զինված խմբավորումների” և Արցախի դեմ մեկօրյա ահաբեկչական պատերազմից հետո ադրբեջանական բանակի վերահսկողության տակ վերցված “տարածքներն ամբողջությամբ մաքրելու” մտադրության մասին։

Թուրքիայի հասցեին ԱՄՆ նախագահի կանխարգելիչ հայտարարությունը գուցե արժե գնահատել ավելի լայն համատեքստում։