Կարեն Խաչատրյանը հաղթել է ադրբեջանցի մրցակցին

Ալբանիայի մայրաքաղաք Տիրանայում շարունակվում է հունահռոմեական ոճի ըմբշամարտի աշխարհի մինչև 23 տարեկանների առաջնությունը։

Կարեն Խաչատրյանը (82կգ) սփոփիչ գոտեմարտում հաղթել է ադրբեջանցի մրցակցին 3։1 հաշվով։

Այսպիսով, Կարենը կպայքարի եգիպտացի ըմբիշի հետ բրոնզե մեդալի համար։

Այսօր վստահ հաղթանակներով են մեկնարկել նաև Ռազմիկ Քուրդյանը, Հենրիկ Գևորգյանը և Մանվել Խաչատրյանը։

Կիսաեզրափակիչ դուրս եկած երկու հայ ըմբիշներն էլ՝ Շանթ Խաչատրյանը և Հայկ Խլոյանը, դուրս մնացին ոսկե մեդալի համար հետագա պայքարից։

72 կգ քաշային Շանթ Խաչատրյանը կիսաեզրափակիչում պարտվեց չեզոք երկրների դրոշի ներքո հանդես եկող ռուսաստանցի Դմիտրի Ադամովին` 6:14 հաշվով։ Իսկ 97 կգ քաշային Հայկ Խլոյանը 0:9 հաշվով պարտվեց չեզոք կարգավիճակում հանդես եկող բելառուս Պավել Հլինչուկին։

Նրանք երկուսն էլ կպայքարեն բրոնզե մեդալի համար։