Լոնդոնում 100 հազար մարդ դուրս է եկել ցույցի՝ ի պաշտպանություն Պաղեստինի

Լոնդոնում հազարավոր մարդիկ զանգվածային ցույցի են դուրս եկել՝ ի պաշտպանություն Պաղեստինի ժողովրդի։ Ինչպես տեղեկացնում է Sky News-ը, ցուցարարների թիվը մոտ 100 հազար է։

Այս պահին ակցիան տեղի է ունենում Մեծ Բրիտանիայի մայրաքաղաքի կենտրոնում, հաղորդում է Sky News-ը:

Մարդիկ կոչ են անում դադարեցնել արյունահեղությունը Գազայի հատվածում։ Շատերի ձեռքում Պաղեստինш դրոշն ու զինանշանն է:

Հրատարակության տվյալներով՝ նմանատիպ ցույցեր են տեղի ունենում թագավորության այլ քաղաքներում, այդ թվում՝ Մանչեսթերում և Գլազգոյում։

Լոնդոնի ոստիկանությունն ավելի վաղ հայտարարել էր, որ նախատեսվող հանրահավաքում անվտանգության ապահովման համար կօգտագործի մոտ հազար ոստիկանական ուժեր: Գերատեսչությունը նաև որոշ սահմանափակումներ է մտցրել երթի մասնակիցների համար՝ նրանք պետք է գնան հստակ երթուղիով, և արգելվում է հավաքվել Իսրայելի դեսպանատան մոտ։